Die landbousektor kan ‘n belangrike rol speel om meer voedselsekuriteit in die land te verseker.

Die sektor is ook in ‘n goeie posisie om Visie 2030, die nasionale ontwikkelingsplanne en die Harambee Welvaartsplan te verwesenlik. Die Minister van Landbou, Water en Bosbou, John Mutorwa sê dit kan deur waarde-toevoeging van plaaslike landbouprodukte gedoen word. Mutorwa was aan die woord tydens ‘n inligtings- en afskeids-vergadering van die eerste fase van die Suid-Suid samewerkingsprogram tussen Namibië, Sjina en die Verenigde Nasies se Voedsel en Landbou-organisasie.