Die polisie in die Erongostreek ondersoek ‘n saak van kinderversaking en -verwaarlosing in Arandis.

’n Lid van die publiek het gister oggend ‘n pasgebore meisie huilend in ‘n plastieksak onder ‘n boom langs ‘n pad op Arandis gevind en die polisie in kennis gestel. Dit wil voorkom asof die baba vroeg die oggend waarskynlik deur haar ma daar weggegooi is. Die baba is na die kliniek op Arandis geneem waar sy medies ondersoek is. Sy is in ‘n gesonde toestand. Die ondersoek duur voort.