Die 2016 Walvisbaai Sages gholfkampioenskap is laas Vrydag en Saterdag gespeel.

Die toernooi het opnuut aan die verwagting voldoen en nie minder nie as 63 spelers het sake op die perfek gekondisioneerde baan uitgespook. Die weer was ook gunstig vir gholf en die uiteinde was ’n paar goeie tellings. Die algehele kampioen Deville Dreyer het ’n uitstekende 84 punte behaal, wat ook ’n invloed op sy voorgee behoort te hê.