Nice-aanval: Hollande bestempel aanval as terreurdaad

Die President van Frankryk, Francois Hollande, het die aanval in Nice in Frankryk as 'n terreurdaad bestempel.

Volgens berigte staan die dodetal nou op 80, waarvan baie kinders is. Tientalle mense is beseer toe 'n vragmotor tussen 'n skare mense ingejaag het waar hulle na 'n Bastille-dag vuurwerke-vertoning gekyk het op die bekende strandfront - die Promenade des Anglais van kilometers lank.

Die vragmotorbestuurder het ook op die skare losgebrand waarna hy deur die polisie doodgeskiet is.

Ammunisie en handgranate is ook die vragmotor gevind. Hollande sê dit was 'n afgryslike daad en onbeskryflik wreed.