Zika-virus entstowwe suksesvol op muise getoets

Twee nuwe entstowwe vir die Zika-virus is suksesvol op muise getoets. Amerikaanse wetenskaplikes sê dit laat die hoop ontstaan dat 'n entstof teen die virus vir mense binnekort gevind kan word.

'n Woordvoerder sê dit sal nou op mense getoets word, maar dat dit jare kan neem voordat die entstowwe gelisensieer kan word.

Die Zika-virus tydens swangerskap lei onder meer tot kleinskedeligheid by babas.