Meer as negeduisend inwoners geraak deur reënweer

Die Kaapstadse Rampbestuurspan sê hy staan meer as negeduisend inwoners van informele nedersettings by na die naweek se reënweer.

Laagliggende dele in die Strand, Khayelitsha, Philippi en Gugulethu, is oorstroom. 'n Inwoner van Pholapark in Gugulethu, Poziswe Yolwa, sê hulle het geen heenkome nie.

Yalwa sê die munisipaliteit verskaf komberse en kos maar dit help nie om hulle warm te hou deur die nag nie.