Man sterf ná staptog in Visrivier

’n Bekende in kampeerkinge in Suid-Afrika is Vrydag ná ’n staptog in die Visrivier-canyon vermoedelik aan ’n hartaanval oorlede. Mnr. Gerhardus (Gerhard) Zimmermann (54), eienaar van die Harde­kraaltjie Karavaanpark in Bellville, Kaapstad, het nadat hy en ’n vriend die staptog van 96 km voltooi het, pas ná sy aankoms by die /Ai-/Ais-oord van Namibia Wildlife Resorts (NWR) na sy borskas gegryp en ineengestort. Mnr. Francois Snyders van NWR wat ten tyde van die voorval by /Ai-/Ais was, het gister aan Republikein gesê Zimmerman se familie was ook teenwoordig. Zimmermann het die staptog in die Visrivier-canyon onderneem en twee van sy familie­lede het aan die Visrivier-canyon-ultramarathon deelgeneem. Zimmermann se familie het gister uit Bellville per e-pos laat weet dat twee familielede die marathon “ter herinnering aan hom voltooi het”