Ramakhutla se verhoor voortgesit

Die verhoor waarin drie polisiebeamptes van die moord op ’n minderjarige kind beskuldig word, het weer in die hoërhof begin en teenstrydige getuienis is gelewer. Regter Dinnah Usiku verhoor die saak waarin drie voormalige stadspolisiebeamptes, mnre. Werner Johannes Shetekela (30), Kleopas Shikalepo Kapalanga (28) en Elias Nakale (33), op die moord van ’n 17-jarige seun tereg staan. Die beskuldigdes staar klagte van ontvoering, moord en dwarsboming van die gereg in die gesig. Hulle het na bewering die oorledene, Mandela Ramakhutla, op 16 April 2013 by ’n kroeg in Katutura opgelaai omdat hy ’n selfoon en rekenaar uit ’n kantoor by die munisipale hoofkantoor sou gesteel het.