Nigerië onderteken kernkragooreenkoms

Nigerië het `n kernkragooreenkoms met Rusland onderteken. Die koste van die projek is nie bekend gemaak nie.

Die projek sal ook as `n tweeledige toets vir navorsing met `n reaktor-kompleks dien. Nigerië sê die projek sal help met die gebruik van kerntegnologie op die gebiede van wetenskap, medisyne en landbou.

Die direkteur-generaal van Nigerië se kernkrag-kommissie, Franklin Osaisai sê Rusland sal die kompleks ontwerp, bou en bedryf.

Die reaktor by die stad Sheba-Abuja sal slegs tien megawatt krag opwek.