Nog 'n bergklimmer sterf op Everest

'n Indiese bergklimmer is die derde persoon wat die afgelope paar dae op die Berg Everest dood is.

Dit volg ná die nuus dat 'n Suid-Afrikaans-gebore vrou en 'n Nederlandse klimmer die naweek op Everest dood is.

Die Indiese man is oornag dood terwyl Sherpa-gidse hom by die berg afgehelp het. Twee klimmers in sy groep word ook vermis.

Die 34-jarige Maria Strydom is vroeër die naweek met die afkomslag van die berg dood. Sy is in Suid-Afrika gebore, maar woon in Australië. Strydom se dood is deur die Monash-universiteit in Melbourne bevestig waar sy `n lektor is.

Vrydag is die Nederlandse bergklimmer, Eric Arnold dood nadat hy die kruin bereik het. Hy en Strydom was in dieselfde groep.

Strydom het hoogtesiekte opgedoen en het die reis onderneem om te bewys dat vegetariërs Everest kan baasraak.