Wolk oor 31 Olimpiese sportlui wat ‘kul’

Meer as dertig sportmanne en vroue kan weens dwelmgebruik verbied word om aan die Olimpiese Spele later vanjaar deel te neem.

Dit volg nadat die beheerliggaam besluit het om vier-honderd-54 bloedmonsters weer vir dwelms te toets. Die Internasionale Olimpiese Komitee sê hulle konsentreer op sportpersone wat weer vanjaar aan die Spele in Rio de Janeiro kan deelneem.

Die jongste wetenskaplike metodes word in die toetse gebruik. Die I.O.K. sê hy wag nog vir 250 toetse van bloedmonsters van die Spele in 2012 in Londen.