Voormalige MI-6 hoof kritiseer EU

'n Voormalige hoof van Brittanje se intelligensiediens, MI-6, sê die Europese Unie se optrede rakende die migrantekrisis was huiwerig en omvattende optrede is die enigste antwoord op die probleem.

Sir Richard Dearlove het in 'n toespraak in Londen die EU se besluit gekritiseer om aan 75-miljoen Turkse burgers toegang te gee tot visum-vrye reise. Dit is deel van 'n ooreenkoms om die invloei van migrante te verminder.

Hy het gewaarsku oor die moontlikheid van opstande indien die krisis nie beheer word nie.